Wong_Ka_Yan_poster

尋找<王家欣> ,尋找你嘅最愛

Wong_Ka_Yan_poster

「王家欣~ 你係邊度?」

終於有時間睇咗呢套最近甚獲好評嘅港產片~屬誠意小品之作!

好奇係做開DJ 嘅劉偉恆拍起戲上嚟原來都唔錯,雖然套戲未能夠好成功咁重塑90年代嘅畫面,但人物性格刻劃及故事情節推進都好好。一個簡單嘅故事都可以令觀眾充滿共鳴~

又南就好成功咁演繹出一個同佢真實年紀差十幾廿年嘅天真小男孩!另外吳千語演出亦指令小弟有點驚喜 (其實之前真係好少睇佢戲) 。

整個故事雖然講唔出咩大道理,但當中又南對一份看似不可能嘅目標嘅執着同努力,正正係呢個城市當下所欠缺的。呢個都令我諗起嚟緊千嬅同林公子套新戲,當中就係講嘅就係:香港係一個唔可能有夢想嘅地方。

最後又南個王家欣夢成真與否,其實都唔重要,因為當中嘅經歷先係令佢得到最多的!

Um..我諗我今晚都係早d sleep…希望發番個好夢 :)